නන්ද කුමාරයා වෙත ..................

නිවූ ඇසි පිය පිපෙන්නට පෙර 

තැබූ තිලකය මැකෙන්නට පෙර  

සිව් දිසාවේම කවුළු හැරදා

ගලා එන්නට නෙක ඇනුම් පද 

ගිහින් එන්නම් කියා හනිකට 

සඳලුතලයෙන් බැස ගියා  නුඹ 

හැප්පි හැප්පි බිත්ති වල හිත 

ගස ගසා හිස ඇඳ වියල මත 

අළුයමට දුක කියද්දී මම

දාව ගිය නවදැලි හේන මත 

ප්‍රේමයේ මළකුණ වටා හිඳ

අතීතය තියනා විලාපය 

අසාවොත් නුඹ ආවොතින් හෙට 

දෙව්ලියන් පිරි තව්තිසාවේ 

මිණි තොරන් බැඳී වීදි ඇත හැර 

දෑත් බැඳ අපි ඇවිදගෙන යමු

එබී එබී කවුළුවෙන් මහා රෑ

ඉඟි කරන සිටු වරුන් සරනා

වීදි දිග කාටත් පෙනෙන්නට ...........